Мақаланы жариялауға жіберетін тіркелген тұлға мақаланың негізгі авторы болып табылады. Бірнеше автор (бірлескен авторлар) болған жағдайда жариялау кезінде негізгі авторды тіркеу кезінде есепке алу қажет.

Мақаланы жариялау келесі рәсімдеу шараларын талап етеді:

• қолжазбаны электронды форматта беруге міндетті (doc, docx, rtf форматтарында);
• файл атауында автордың тегін (тең авторлар болған жағдайда – бірінші автордың тегін) көрсетуге міндетті;
• параметрді ұстану керек: қаріп – Times New Roman, қаріп кеглі – 14, туралау – мәтіннің ені бойынша, аралық – бір, абзац – 1,25 см, жиектері: жоғарғы және төменгі – 2 см, сол жақ – 3 см, оң жақ – 1 см;
• кестелерді, диаграммаларды, суреттерді форматтауға мүмкіндік беретін форматта ұсыну (журналдың дизайны бойынша түстерді аудару және редакциялау үшін қажет), мысалы: 1-сурет. Атауы. 1-кесте . Атауы. Кестелер, диаграммалар, суреттер саны ұсынылған мақаланың барлық көлемінің 20% - нан аспауы тиіс;

Мақаланың құрылымдық элементтеріне қойылатын талаптар:

• ҒТАМР (Ғылыми-техникалық ақпараттың мемлекетаралық рубрикаторы) – мақала тілінде;
• авторлардың тегі, аты, әкесінің аты (аты-жөнінің алдынан жазылады; «*» белгісімен хат-хабар үшін бас автор белгіленеді) - мақала тілінде;
• электрондық пошта мекенжайлары;
• жұмыс (оқу) орны, қаласы, елі (мақала тілінде);
• мақала атауы (ортасында бас әріптермен, қою қаріппен) - мақала тілінде;
• аннотация (Мақала тілінде) 150 сөзден кем емес және 300 сөзден артық емес;
• нүктелі үтір арқылы кілт сөздер/сөз тіркестері (5 не 7 сөз);
• мақала мәтіні кіріспеден (өзектілігі, ғылыми маңыздылығы, Зерттеу мақсаты), негізгі бөлімнен (зерттеу әдіснамасы, ғылыми әдебиетке шолу, әдістер, нәтижелер, пікірталас) және қорытындыдан тұрады;
• пайдаланылған әдебиеттер тізімі мақала жазылған тілде және жалпы қабылданған ағылшын транслитерациясында (орысшадан латынға http://translit.ru немесе https://transliteration.pro/bsi, қазақшадан латынға https://qazlat.kz веб-сайттарында) ұсынылуы керек. Автоматты бет сілтемелерін пайдалануға рұқсат етілмейді. Әдебиеттер тізімі кемінде 10 дереккөзді қамтуы керек, оның ішінде 5-7 дереккөз соңғы 3-5 жылдағы, оның ішінде Scopus және Web of Science деректер қорынан;
• мақаланың соңында аннотация мен түйінді сөздердің басқа 2 тілге аудармасы.

Мақаланың макеті құрылымдық элементтердің талабы бойынша «Авторларға» бөлімінде берілген.

Мақаланың көлемі (ҒТАМР, атауын, авторлар туралы мәліметтерді, аннотациялар, түйінді сөздер және пайдаланылған дереккөздер тізімін есепке алмағанда) 7 беттен кем болмауы және 15 беттен аспауы тиіс.