Өңдеу өнеркәсібін мемлекеттік қолдау шараларының тиімділігін бағалаудың әлемдік тәжірибесі

Аңдатпа

Мақалада бюджет қаражатын ұтымды жұмсауды қамтамасыз ету мақсатында өңдеуші өнеркәсіп субъектілерін мемлекеттік қолдау шараларының тиімділігін бағалау саласындағы шет елдердің тәжірибесі қарастырылған. Атап айтқанда, автор АҚШ, Германия, Франция, Ұлыбритания сияқты елдер бойынша қаржылық қолдау бағдарламаларының тиімділігін бағалау тәжірибесін қарастырды. Бұл ретте автор өңдеуші өнеркәсіп субъектілерін мемлекеттік қолдау шараларының тиімділігін бағалауды, оның ішінде мемлекеттік аудит мүдделерінің призмасын және мемлекеттік ресурстарды тиімді басқару проблемаларын шешуді де қарастырады. Әлемдік тәжірибені салыстырмалы талдау мақсатында автор шет елдердің тәжірибесінің нәтижелері бойынша олар белгілеген тәсілдер, стандарттар, өңдеуші өнеркәсіп кәсіпорындарына қатысты мемлекеттік қолдау шараларының тиімділігін бағалау критерийлері бойынша әдіснамалық шолу жүргізді. Автор зерттеу мақсатына сәйкес қолданыстағы мемлекеттік сыртқы аудит жүйесін жетілдіру және мемлекеттік ресурстарды пайдалану тиімділігін арттыру бойынша тұжырымдар жасады. Қорытындыларды ескере отырып, өңдеуші өнеркәсіп кәсіпорындары үшін мемлекеттік қолдау шараларының тиімділігін бағалау әдістерін де, аудиторлық іс-шараларды ұйымдастыру мен өткізу тәсілдерін де жетілдіру саласында ұсынымдар кешені қалыптастырылды.