logo
Іздеу

2023 жылғы 7 ақпандағы №12-нқ бұйрығы 

 

«МЕМЛЕКЕТТІК АУДИТ – ГОСУДАРСТВЕННЫЙ АУДИТ» ЖУРНАЛЫНЫҢ

РЕДАКЦИЯЛЫҚ САЯСАТЫ

 

        Басылымның мақсаты – жалпы жұртшылықты ұлттық ресурстарды басқару тиімділігінің проблемаларына және экономика, қаржы, мемлекеттік аудит және қаржылық бақылау саласындағы өзекті мәселелерді талқылауға тарту.

 

Міндеттері:

  • қаржы-экономикалық бейіндегі ғылыми мақалаларды жариялау;

  • әлеуметтік-экономикалық дамудың өзекті мәселелері, оның ішінде мемлекеттік аудит пен қаржылық бақылауға байланысты мәселелер бойынша диссертациялар мен зерттеулердің негізгі ғылыми нәтижелерін жариялау;

  • Қазақстан Республикасы Жоғары аудиторлық палатасының және өңірлік мемлекеттік аудит және қаржылық бақылау органдарының аудиторлық қызметін жетілдірудің түйінді проблемалары саласында талдамалық материалдар ұсыну;

  • Қазақстан Республикасының өңірлерінде мемлекеттік аудит пен қаржылық бақылауды дамытудың қазіргі заманғы үрдістері мен перспективаларын жариялау;

  • тиімділік аудитін ұйымдастырудың және жүргізудің әдіснамалық тәсілдерін зерттеу (қызмет аялары мен салалары бойынша);

  • әлеуметтік-экономикалық дамудың негізгі аспектілері бойынша халықаралық тәжірибемен және шетелдік жоғары аудит органдары қызметінің үздік тәжірибесімен алмасу.

 

ҚҰРЫЛТАЙШЫ:

«Зерттеулер, талдау және тиімділікті бағалау орталығы» ЖШС

 

ШЫҒАРУ МЕРЗІМДІЛІГІ: жылына 4 рет.

 

БӨЛІМДЕР:

Теория және әдіснама - журналдың бұл бөлімінде әлеуметтік-экономикалық жүйені дамытудың өзекті мәселелерін, оның ішінде мемлекеттік аудит жүйесін жетілдіру саласындағы проблемаларды зерттеудің теориялық және әдіснамалық аспектілерін зерттеуге арналған мақалалар орналастырылған.

Практика - журналдың бұл бөлімінде Қазақстан Республикасының отандық мемлекеттік аудит және қаржылық бақылау жүйесін дамытудың негізгі проблемалары мен басым бағыттарын талдауға бағытталған мақалалар жарияланады.

Зерттеулер - журналдың бұл бөлімінде қызмет аялары мен салалары бойынша тиімділік аудитін ұйымдастыруға және жүргізуге әдіснамалық тәсілдерді әзірлеу саласындағы ғылыми зерттеулердің нәтижелері жарияланады.

Шетелдік тәжірибе - журналдың бұл бөлімі аудиторлық қызметтің озық тәжірибесімен алмасу бөлігінде шет елдердің жоғары аудит органдары өкілдерінің мақалаларын жариялауға арналған.

 

ЖАРИЯЛАУ ШАРТТАРЫ:

  • жариялау үшін бұрын жарияланбаған немесе басқа басылымдарда қарауға қабылданбаған мақалалар қабылданады;

  • журналдың ғылыми бағыттары бойынша мақалалар тоқсанның бірінші айының 30-күніне дейін (қаңтар, сәуір, шілде, қазан) қабылданады;

  • мақаланың көлемі (атаусыз, авторлар туралы мәліметтерсіз, аннотациясыз және түйінді сөздерсіз) кемінде 7 және 15 беттен аспауы тиіс;

  • бір мақала авторларының рұқсат етілген ең көп саны-үш автордан аспайды, алайда эконометрикалық модельдерді әзірлеу және сынақтан өткізу кезінде және зерттеудің күрделілігіне байланысты (зерттелетін тақырыптың теориялық және әдіснамалық аспектілерін талдаудың іргелі тәсілі, ғылыми гипотезаны эксперименттік растау, кең ауқымды деректерді жинау және өңдеу, оның ішінде социологиялық сауалнама негізінде жүргізілген зерттеу). т.б.) - төрт авторға дейін рұқсат етіледі;

  • «Мемлекеттік аудит - Государственный аудит» журналының редакциясына келіп түскен барлық мақалалар «StrikePlagiarism» лицензиялық жүйесінде міндетті түрде тексеріледі. Ғылыми мақалалар мәтінінің өзіндік ерекшелігі 80% және одан жоғары болуы тиіс. Бұл ретте 1 ұқсастық коэффициентінің шекті деңгейі 30% – дан, 2 ұқсастық коэффициенті 10% - дан жоғары болмауы тиіс. Техникалық және өзге де жосықсыз әдістердің көмегімен заңсыз шеттен алуға және заңсыз дәйексөз келтіруге, мәтіннің өзіндік ерекшелігін арттыруға рұқсат етілмейді;

  • барлық мақалалар қос соқыр (анонимді) рецензиялаудан өтеді;

  • журналдың барлық мақалаларына DOI тағайындалады, авторлар (қалауы бойынша) CrossRef дерекқорында тіркеледі;

  • барлық материалдар талаптарға сәйкес қатаң түрде ресімделуі керек. Редакциялық алқа журналға енгізу үшін мақалаларды іріктеу, мәтіндерді қысқарту және оларға авторлардың келісімінсіз қажетті түзетулер енгізу құқығын өзіне қалдырады. Редакциялық алқа қабылдамаған мақалалар қайта қабылданбайды және қаралмайды. Редакция бас тарту себептері бойынша пікірталас жүргізбеу құқығын сақтайды;

  • мақаланы автор журналдың веб-сайтындағы жеке кабинетінде жүктейді. Сондай-ақ, хат алмасу, материалдарды талқылау және пысықтау, мақалаларды плагиатқа тексеру және рецензиялау жүзеге асырылады. Плагиатқа тексеру үшін Word форматында толық мақала жүктеледі, рецензиялау үшін Word форматында Т.А.Ә. және аффилиациясыз мақала жүктеледі;

  • материалдарды қабылдау немесе қабылдамау туралы шешімді редакциялық алқа қолжазба келіп түскен күннен бастап екі ай ішінде қабылдайды.

     

ЖАРИЯЛАУ ЭТИКАСЫ:

        Оқырмандар тарапынан жоғары сенім мәртебесін және олардың жарияланатын ғылыми жұмыстардың ғылыми ақпаратының дұрыстығына сенімділігін қамтамасыз ету мақсатында «Мемлекеттік аудит – Государственный аудит» журналының редакциялық алқасы өз қызметінде әдептілік, құпиялылық, жарияланымдарды қадағалау, ықтимал мүдделер қақтығысын есепке алу қағидаларын қамтитын ғылыми жарияланымдардың халықаралық этикалық стандарттарын басшылыққа алады.

        Редакция өз қызметінде ғылыми жарияланымдар этикасы комитетінің (Committee on Publication Ethics) ұсынымдарын орындайды, сондай-ақ беделді халықаралық журналдар мен баспалардың тәжірибесіне сүйенеді.

        Баспа процесінің барлық қатысушыларының ғылыми жарияланымдар этикасы қағидаларын сақтауы авторлардың зияткерлік меншікке құқықтарын қамтамасыз етуге, басылым сапасын арттыруға және «Авторлық құқық және сабақтас құқықтар туралы» Қазақстан Республикасының 1996 жылғы №6 Заңына сәйкес авторлық материалдарды жеке тұлғалардың мүддесі үшін заңсыз пайдалану мүмкіндігін болдырмауға ықпал етеді (01.01.2021 ж. жағдай бойынша өзгерістер мен толықтырулармен) және журналдың Жариялау этикасымен реттеледі.

 

ШЕТТЕН АЛУ ЖӘНЕ ПЛАГИАТ:

        «Мемлекеттік аудит – Государственный аудит» журналының редакциясына келіп түскен барлық мақалалар «StrikePlagiarism» лицензиялық жүйесінде міндетті түрде тексеріледі. Ғылыми мақалалар мәтінінің өзіндік ерекшелігі 80% және одан жоғары болуы тиіс. Бұл ретте 1 ұқсастық коэффициентінің шекті деңгейі 30% – дан, 2 ұқсастық коэффициенті 10% - дан жоғары болмауы тиіс. Техникалық және өзге де жосықсыз әдістердің көмегімен заңсыз шеттен алуға және заңсыз дәйексөз келтіруге, мәтіннің түпнұсқалығын арттыруға рұқсат етілмейді.  Шеттен алу көп анықталған жағдайда редакция Халықаралық жариялау этикасы комитетінің (COPE) ережелеріне сәйкес әрекет етеді:

  • шеттен алу бар екендігі туралы авторды (ларды) хабардар етеді;
  • автордан (лардан) хабарлама туралы растау алады;
  • мақаланы қабылдамайды.

 

РЕЦЕНЗИЯЛАУ ТИПІ:

        Барлық мақалалар тәуелсіз ғалымдардың, соның ішінде шетелдіктердің қос соқыр рецензиялауынан өтеді. Мақалаларды жариялау мүмкіндігі туралы қорытынды оң шешімдер негізінде шығарылады.

        Рецензент мақаланың ғылыми бағытына сәйкес келуі керек және жарияланатын  мақаланың мазмұнына жауап береді. Мақалалар рецензенттерге автор (лар) туралы мәліметтерді көрсетпей ұсынылады. Рецензент жіберілген мақаланы алған сәттен бастап екі апта ішінде қарастыруы керек. Рецензия мақаланың авторына рецензенттер туралы мәліметтерді көрсетпей беріледі. Рецензенттер мүдделер қақтығысы болған жағдайда қолжазбаны қарауға жіберілмейді.

 

ЕРКІН ҚОЛ ЖЕТКІЗУ ЖӘНЕ МҰРАҒАТТАУ САЯСАТЫ

        Будапешттің ашық қол жеткізу бастамасы негізінде «Мемлекеттік аудит - Государственный аудит» ғылыми – практикалық журналы ғылыми зерттеулердің нәтижелеріне еркін қол жеткізу отандық тәжірибені танымал етуге ықпал етеді, халықаралық қоғамдастықтың назарын аударады, ғаламдық зерттеулермен алмасу жағдайында ғылым мен білім беруді дамытады деген қағидаға сәйкес барлық оқырмандарға журнал шығарылымдарының мазмұнына тегін негізде ашық қол жеткізуді қамтамасыз етеді.

        «Бұқаралық ақпарат құралдары туралы» 1999 жылғы 23 шілдедегі №451-І Заңның негізінде Журнал сайтта электрондық мұрағатты қамтамасыз етеді және Қазақстан Республикасының Ұлттық кітапханасына міндетті даналарын жібереді.

        Журнал келесі дәйексөздер базасында индекстеледі:

  • Қазақстандық дәйексөз базасы (ҚазДБ)
  • E-Library
  • Ұлттық электрондық кітапхана (ҰЭК)

 

ҰЙЫМДАСТЫРУ ЖАРНАСЫ

        Журналда бір мақаланы жариялау құны 20000 теңгені құрайды.

        Төлем оң рецензия алғаннан кейін және журналдың редакциялық алқасы мақаланы нақты басылымда жариялау туралы шешім қабылдағаннан кейін – «Зерттеуле, талдау және тиімділікті бағалау орталығы» ЖШС банк шотына  «Мемлекеттік аудит – Государственный аудит» журналына ұйымдық жарнаны төлеу» деген белгісі бар аударым жасау арқылы жүргізіледі.

Деректемелер:

«Зерттеуле, талдау және тиімділікті бағалау орталығы» ЖШС

«Банк Центр Кредит» АҚ

БСК/БИК (SWIFT) KCJBKZKX

КОд 16

БСН/ЖСН 071040006251

KZ528562203117243812 - KZT

KZ758562203217486302 - EUR

KZ788562203217511856 - USD

KZ588562203328199401 - RUB

        Ынтымақтастыққа шақырылған ғалымдардың мақалалары жылына 1 рет тегін жарияланады.

        Журналға жылдық жазылым құпталады. Журналға жазылу «Қазпошта» АҚ арқылы ресімделеді. Заңды тұлғалар мен жеке жазылушылар үшін индекс 74167.