Кілтті сөздер
еуропалық жасыл қаржыландыру механизмі
жасыл жобалар таксономиясы
жасыл қаржыландыруға мемлекеттік қолдау
жасыл инвестиция
цифрлық қаржыландыру платформалары
жасыл облигациялар
Дәйексөздерді қалай жазу керек
Аңдатпа
Мақалада Қазақстандағы «жасыл» қаржыландыруды дамытудың қазіргі тенденциялары қарастырылады. Автор жасыл жобалар мен экологиялық тұрақты қызметті қаржыландырудың негізгі көздерін талдап, халықаралық қаржы ұйымдарының, отандық даму институттарының, банк секторы мен қор нарығының жасыл қаржы құралдарын дамытуға қосқан үлесін зерттеді. Жасыл қаржыландыру саласындағы нормативтік-құқықтық ортаны дамытудағы елеулі ілгерілеушілік жағдайында нормативтік құқықтық актілерді және мемлекеттік бағдарламаларды үйлестіру және жасыл экономиканы дамытуды қолдау тұрғысынан оларды күшейту қажеттілігі туындады. Зерттеу нәтижелері көрсеткендей, Қазақстанда жасыл жобаларды қаржылық қолдауды негізінен халықаралық қаржы ұйымдары ЕҚДБ, АДБ және т.б. жүзеге асырады. Талдау нәтижесінде қаржы секторы және шаруашылық субъектілері позициясынан жасыл қаржыландырудың дамуына кедергі келтіретін себептер анықталды. Автор қаржы-несие ұйымдары мен инвесторлардың жасыл қаржы құралдарын дамытуға қызығушылығын арттыру үшін тиісті ұсыныстар кешенін тұжырымдады. Цифрлық технологиялардың мүмкіндіктерін зерделеу барысында қазақстандық цифрлық платформалар жасыл жобаларды әзірлеушілермен ақпараттық өзара іс-қимылды жүзеге асыратыны анықталды. Автор Қазақстандағы жасыл қаржы нарығының дамуын жеделдететін мүдделі тараптардың кең ауқымы үшін қолжетімді жасыл жобаларды қаржыландырудың толық жұмыс істейтін платформасын құру қажет деген қорытындыға келеді.