##article.subject##
##submission.howToCite##
##article.abstract##
Мақала Қазақстан Республикасының мемлекеттік секторында мемлекеттік басқаруды цифрлық трансформациялау жағдайында ақпараттық технологиялар аудиті жүйесін қалыптастырудың теориялық, әдіснамалық және практикалық аспектілерін зерттеуге арналған. Зерттеудің өзектілігі мемлекеттің цифрлық инфрақұрылымының қарқынды дамуымен, цифрландыру жобаларын қаржыландыру көлемінің артуымен және ақпараттық технологиялар саласындағы мемлекеттік ресурстарды тиімді пайдалануды қамтамасыз ету қажеттілігімен негізделеді.
Зерттеудің мақсаты Қазақстан Республикасы мемлекеттік секторының ерекшеліктеріне бейімделген мемлекеттік ақпараттық технологиялар аудиті жүйесінің тұжырымдамалық моделін әзірлеу болып табылады. Зерттеудің әдіснамалық негізін жүйелік, институционалдық және тәуекелге бағдарланған тәсілдер, салыстырмалы және жүйелік талдау әдістері, нормативтік-құқықтық актілерді, халықаралық стандарттарды және аудит материалдарын контент-талдау құрайды.
Зерттеу барысында Қазақстан Республикасындағы мемлекеттік басқаруды цифрландырудың даму үрдістеріне талдау жасалып, мемлекеттік ақпараттық жүйелердің қазіргі жай-күйі мен ақпараттандыру саласындағы мемлекеттік аудит тәжірибесіне баға берілді. Мемлекеттік IT-аудиттің арнайы әдіснамасының болмауы, аудит объектілерінің цифрлық жетілу деңгейін бағалаудың жеткіліксіздігі және халықаралық стандарттарды ұлттық тәжірибеде қолданудың шектеулілігі сияқты негізгі мәселелер анықталды. Зерттеудің ғылыми жаңалығы нормативтік-құқықтық, институционалдық, әдістемелік, кадрлық және талдамалық элементтердің интеграциясына негізделген ақпараттық технологиялар аудиті жүйесін қалыптастырудың авторлық тұжырымдамалық моделін әзірлеуде көрінеді.
Зерттеу нәтижелерінің практикалық маңыздылығы оларды мемлекеттік аудит әдіснамасын жетілдіруде және Қазақстан Республикасында цифрлық трансформация тиімділігін бақылау жүйесін дамытуда пайдалану мүмкіндігімен айқындалады.