Кілтті сөздер
Дәйексөздерді қалай жазу керек
Аңдатпа
Мақалада Қазақстан, Украина, Грузия және Ресей посткеңестік елдердегі активтер мен кірістерді декларациялау жүйелеріне салыстырмалы талдау жасалады. Зерттеу декларациялау тәсілдеріндегі негізгі ұқсастықтар мен айырмашылықтарды анықтайды, ұсынылатын деректердің міндеттілігі, ашықтығы және тексерілуі сияқты аспектілерге назар аударады. Мақала қолданыстағы декларация механизмдерін сыни тұрғыдан бағалайды, салыстыру нәтижелерінің негізінде олардың әлсіз жақтарын анықтайды және осы жүйелерді жақсарту бойынша ұсыныстар береді. Мақалада жалпы мақсаттарға қарамастан, посткеңестік кеңістіктегі елдер өздерінің декларациялау жүйелерін дамытудың әртүрлі кезеңдерінде екендігіне баса назар аударылады. Авторлар автоматтандырылған мониторинг жүйелерін, атап айтқанда, декларацияланатын мәліметтерді автоматты түрде салыстыруға және верификациялауға мүмкіндік беретін жасанды интеллект және үлкен деректер технологияларын енгізу мүмкіндігін атап көрсетеді. Мақала деректерді верификациялау тетіктерін нығайту, декларацияламен қамтылған мәліметтерді кеңейту және декларацияланатын ақпаратқа неғұрлым кең қолжетімділікті қамтамасыз ету қажеттігі туралы қорытындымен аяқталады. Зерттеу "Сыбайлас жемқорлыққа қарсы саясатты іске асыру контекстінде мемлекеттік қызметтегі мүдделер қақтығысын реттеу құралдары" атты AP22787371 жобасы шеңберінде ҚР ҒЖБМ Ғылым комитетінің қолдауымен орындалды.