Как цитировать
Аннотация
Бұл мақалада озық халықаралық тәжірибені зерделеу негізінде атмосфералық ауаны қорғау саласындағы мемлекеттік басқару тетіктеріне талдау жасалады. Жұмыста Германия, Канада, Жапония, АҚШ және басқа да елдердің қоршаған ортаны реттеу үрдістері қарастырылады.
Зерттеу әдістері ретінде экологиялық саясатты салыстырмалы талдау, сондай-ақ нақты бастамаларды және олардың экологиялық жағдайға әсерін кейстік талдау негізінде зерделеу тәсілдері пайдаланылған. Мақалада атмосфералық ауаны қорғау жөніндегі нормативтік құқықтық актілер, салық жеңілдіктері сияқты экономикалық шаралар, сондай-ақ ауа сапасын бақылаудың тиімді экологиялық құралдарын пайдалану жолдарына баса назар аударылады.
Зерттеудің күтілетін нәтижелері экология саласындағы табысты мемлекеттік реттеудің негізгі факторларын анықтауға және ластану деңгейі жоғары елдерде атмосфералық ауаны қорғау тетіктерін жетілдіру бойынша ұсыныстарға бағытталған.
Түйін сөздер: мемлекеттік басқару, қоршаған ортаны қорғау құралдары, халықаралық тәжірибе, экологиялық саясат, салыстырмалы талдау.